თეთრ სახლში გამართული UFC-ის ისტორიული საჩემპიონო ბრძოლის შემდეგ, სადაც ილია თოფურია ჯასტინ გეიჯისთან 4-რაუნდიან მძიმე ბრძოლაში დამარცხდა, სოციალურ ქსელში ვნებები არ ცხრება. ამჯერად სკანდალის ეპიცენტრში კვლავ UFC-ის პოპულარული კონტენტ კრეატორი და ინფლუენსერი, ნინა მარია დრამა მოექცა.
მისი ახალი ვიდეო, რომელიც სომხეთშია გადაღებული, ქართველი გულშემატკივრებისთვის მორიგი შეურაცხყოფა აღმოჩნდა.
რა მოხდა ბრძოლის შემდეგ – სკანდალის დასაწყისი
შეგახსენებთ, რომ პირველი უკმაყოფილება მაშინ გაჩნდა, როდესაც ნინა დრამამ აშშ-ის დამოუკიდებლობის 250-ე წლისთავისადმი მიძღვნილი ტურნირიდან (რომელსაც 4 000 მაყურებელთან ერთად დონალდ ტრამპიც ესწრებოდა) კადრები გამოაქვეყნა. ვიდეოში ასახული იყო, როგორ ემოციურად აღნიშნავდა ის ჯასტინ გეიჯის გამარჯვებას, თოფურიას მარცხის ფონზე.
ამ ფაქტს ქართველი ქომაგების მხრიდან მწვავე კრიტიკა მოჰყვა, რადგან ნინა დრამას საქართველოში, მერაბ დვალიშვილის მასპინძლობით, ორჯერ იმყოფებოდა და ქართველებისგან უდიდესი სიყვარული მიიღო.
სიტუაციის განმუხტვას თავად UFC-ის ქართველი ჩემპიონი, მერაბ დვალიშვილი ვიდეომიმართვით შეეცადა. მან აღნიშნა, რომ ნინა მისი მეგობარია, რომელმაც შეცდომა დაუშვა:
“როგორც ქართველისთვის, ჩემთვისაც გულგასატეხი იყო ნინა დრამას რეაქცია და არ მესიამოვნა. მაგრამ ველაპარაკე მას და თავისი ახსნა აქვს… მე კი იცით, რა გიჟი ვარ. ისიც კი იცით, რომ ილია ჩემი ძმაა და ილიაზე ცუდის მთქმელს შევჭამ. ერთი წამით არ დავახამხამებ თვალს, რომ ეგრევე ფიზიკურად ვიმოქმედო”, – განაცხადა მერაბმა და ილიას მალე გამოჯანმრთელება და ქამრის დაბრუნება უსურვა.
ახალი ვიდეო სომხეთიდან
მერაბ დვალიშვილის მხრიდან სიტუაციის გამოსწორების მცდელობის შემდეგ, ნინა დრამამ ქართველ გულშემატკივრებს ახალი “დრამა“ დაუდგა. ამჯერად ინფლუენსერი სომხეთში იმყოფება, სადაც UFC-ის მებრძოლი, არმან ცარუკიანი მასპინძლობს.
- სოციალურ ქსელში კი გავრცელდა ვიდეო, სადაც ჩანს, რომ ცარუკიანი ნინას ასე მიმართვას – “სამწუხაროდ, ილიამ წააგო და მე ძალიან დამწუხრებული ვარ, ნინაც ძალიან დამწუხრებულია. ის ისეთი დამწუხრებულია, რომ საქართველოში წასვლა მოუნდა“.
რის შემდეგაც ჩანს, რომ ცარუკიანი და ნინა იცინიან, რაც ისე აღიქმება, რომ თითქოს ინფლუენსერი ილიას დასცინის.
ამ რეაქციამ, რომელიც ბევრმა ილია თოფურიას მისამართით პირდაპირ დაცინვად აღიქვა, ქართულ ინტერნეტსივრცეში ნამდვილი აფეთქება გამოიწვია.
“ელარჯი უწელეთ კიდევ!“ – ქართველი გულშემატკივრების მრისხანე რეაქციები
ქართველების კომენტარების ახალმა ტალღამ სოციალური ქსელი წალეკა. გულშემატკივრები ღიად გამოხატავენ იმედგაცრუებას და მოუწოდებენ მერაბ დვალიშვილს, გადახედოს ამ ე.წ. “მეგობრობას“.
გთავაზობთ რამდენიმე კომენტარს სოციალური ქსელიდან:
“მერაბს უნდა ჩაუგდონ ეს ვიდეო, რომ ჰკითხო – ნინა შეცდა იმ მომენტშიო?! როგორ დასცინის! არ მოგცა ინტერვიუ ილიამ და არც მოგცემს, შენნაირი ცანცარა ქალები არ ევასება!“
“აი ესე გვჭირს ქართველებს, სტუმარს გადავყვებით, პატივს ვცემთ, სამაგიეროდ კი მისგან უპატივცემულობას ვიღებთ! გადაეცით მერაბ დვალიშვილს ეს ვიდეო, ამ ქალის ფეხი არ დავინახო საქართველოს მიწაზე!“
“ელარჯი უწელეთ კიდევ… რა ვიცი, ეს ქალი დრამაა თუ ტრაგედია. აქ რომ იყო, ლამის მაგისი ფეხის ნაბანი წყალი სვით ყანწებით. ასეა, სხვას რომ ფეხქვეშ ეგებით და საკუთარს ლანძღავთ, ახია თქვენზე!“
“ესენი საქართველოში არც უნდა შემოუშვა, როგორ დასცინიან ილიას. რა აქვს თქვენი დასაცინი, თქვენ მართლა საცოდავებო…“
- ფაქტია, რომ ნინა დრამას მიმართ ქართველი საზოგადოების დამოკიდებულება რადიკალურად შეიცვალა. სტუმართმოყვარეობა, რომლითაც მას თბილისში ხვდებოდნენ, ახლა დიდ სკანდალში გადაიზარდა. ილია თოფურია, მიუხედავად მარცხისა, ქართველი ხალხისთვის ხელშეუხებელ ავტორიტეტად და ჩემპიონად რჩება.
ნახეთ ასევე:
